Sprengifimt umhverfi
Slökkva skal á tækinu á svæðum þar sem hætta er á sprengingum og fara að öllum tilmælum sem sjást á skiltum og
leiðbeiningum. Sprengifimt andrúmsloft telst vera á svæðum þar sem yfirleitt er beðið um að drepið sé á vél bifreiðar. Neistaflug
á slíkum svæðum getur valdið sprengingu eða eldi og haft í för með sér slys og jafnvel dauðsföll. Slökkva skal á tækinu á
eldsneytisstöðvum, svo sem við eldsneytisdælur á bensínstöðvum. Virða skal takmarkanir á notkun útvarpsbúnaðar í
eldsneytisgeymslum, svæðum þar sem geymsla og dreifing eldsneytis fer fram, efnaverksmiðjum eða þar sem verið er að
sprengja. Svæði þar sem sprengihætta er mikil eru oftast vel auðkennd, en þó ekki alltaf. Þau eru m.a. neðri þilför skipa, aðstaða
til efnaflutninga eða geymslu og svæði þar sem efni líkt og korn, ryk eða málmagnir eru í lofti. Þú ættir að kanna það hjá
framleiðendum farartækja sem nota jarðgas (líkt og própan eða bútan) til að ákvarða hvort hægt sé að nota þetta tæki á
öruggan hátt nálægt þeim.