Ambienti i përdorimit
Kjo pajisje përmbush orientimet për ekspozimin ndaj RF-së, kur përdoret në një pozicion normal ndaj veshit ose kur është
vendosur të paktën 1,5 centimetra (5/8 inç) larg nga trupi. Kur përdoret një këllëf, kapse e rripit ose mbajtëse për përdorim në
kontakt me trupin, ai/ajo nuk duhet të përmbajë pjesë metalike dhe pajisjen duhet ta vendosni (larg nga trupi juaj) në distancën
që u përmend më lart.
Për të transmetuar skeda të dhënash apo mesazhe, kjo pajisje kërkon që lidhja me rrjetin të jetë sa më e mirë. Në disa raste,
transmetimi i skedave të të dhënave ose i mesazheve mund të pezullohet derisa të disponohet një lidhje e tillë. Sigurohuni që
të ndiqen udhëzimet e mësipërme për distancën nga trupi, derisa të përfundojë transmetimi.
Disa pjesë të pajisjes janë magnetike. Pajisja mund të tërheqë materiale metalike. Mos vendosni karta bankare ose mjete që
mbajnë të dhëna në formë magnetike, sepse informacioni i ruajtur në to mund të fshihet.